შპს „სმარტსიელემ"-ის მომსახურების წესები და პირობები

გაცნობებთ, რომ წინამდებარე დოკუმენტი წარმოადგენს მომსახურების სტადნარტულ პირობებს, შესაბამისად მას აქვს კანონით დადგენილი სამართლებრივი ძალა. თქვენ მიერ „ვეთანხმები“-ს მონიშვნა გულისხმობს, რომ გაეცანით დოკუმენტს სრულად, ადასტურებთ მას და აცნობიერებთ, რომ თქვენსა და შპს „სმარტსიელემ"-ს (ს/ნ 404793238) შორის ურთიერთობა რეგულირდება დოკუმენტში ასახული პირობების მიხედვით.

გაითვალისწინეთ, რომ წინამდებარე დოკუმენტი არის ხელშეკრულების სტანდარტული პირობები, რომელიც წარმოადგენს წინასწარ ჩამოყალიბებულ, მრავალჯერადი გამოყენებისათვის გამიზნულ პირობებს, რომელთაც ერთი მხარე უდგენს მეორე მხარეს და რომელთა მეშვეობითაც უნდა მოხდეს კანონით დადგენილი ნორმებისაგან განსხვავებული ან მათი შემვსები წესების დადგენა.

სტანდარტულ პირობებზე დათანხმებით მომხმარებელი ადასტურებს, რომ გამოხატავს ნებას ისარგებლოს კომპანიის მიერ შეთავაზებული სერვისებით, ამ ხელშეკრულებით განსაზღვრული პირობების შესაბამისად, კომპანიის ოფიციალურ ვებგვერდზე/პლატფორმაზე.

გაცნობებთ, რომ წინამდებარე დოკუმენტის განუყოფელ ნაწილს წარმოადგენს კომპანიის პერსონალურ მონაცემთა დაცვის პოლიტიკის დოკუმენტი ასევე თანხის დაბრუნების პოლიტიკა.

ყველა პირს როელსაც სურს კომპანიის სერვისით რგებლობა, ვალდებულია დაეთანხმოს და დაიცვას ქვემოთ მოყვანილი „წესები და პირობები", შესაბამისად პლატფორმაზე რეგისტრაციისას და SmartCLM-ის პაკეტის შეძენის შემთხვევაში, თქვენ ეთანხმებით წინამდებარე მომსახურების წესებსა და პირობებს.

ტერმინთა განმარტება

კომპანია - შპს „სმარტსიელემ" (ს/ნ 404793238)

მომხმარებელი - ფიზიკური ან იურიდიული პირი, რომელიც იყენებს კომპანიის მიერ შეთავაზებულ საიტს/პაკეტებს;

პაკეტის საფასური - კომპანიის მიერ მომხმარებლისთვის შეთავაზებული ინდივიდუალური პაკეტების საფასური, კერძოდ: სოლო, გუნდი, ბიზნესი და ენთერპრაისი პაკეტები;

ვებგვერდი - კომპანიის ვებგვერდი: https://www.smartclm.ai/ge/ და მის მიერ შეთავაზებული ყველა ფუნქცია;

დოკუმენტი - ხელშეკრულება, განაცხადი ან სხვა დოკუმენტი, რომელიც გენერირდება ავტომატურ რეჟიმში მომხმარებლის მიერ მიწოდებული მონაცემების საფუძველზე;

1. მომსახურების აღწერა

კომპანია სთავაზობს მომხმარებლებს ონლაინ რეჟიმში ხელშეკრულებებისა და სხვადასხვა სამართლებრივი დოკუმენტების ავტომატურ გენერირებას; აღნიშნული სისტემა წარმოადგენს ელექტრონული დოკუმენტებისა და სამუშაო პროცესების მართვის პლატფორმას, რომელიც უზრუნველყოფს დოკუმენტების შექმნას, დამუშავებას, დამტკიცებასა და ელექტრონულ ხელმოწერას.

კომპანია თითოეულ მომხმარებელს აწვდის იმ მოცულობის სერვისებს, რასაც ითვალისწინებს შესაბამისი მომხმარებლის მიერ შერჩეული შეძენილი პაკეტი. აღნიშნული მომსახურება ენიჭება თითოეულ მომხმარებელს ინდივიდუალურად და მომხმარებელს არ აქვს უფლება სერვისებით სარგებლობის უფლება მთლიანად ან ნაწილობრივ გადასცეს მესამე პირებს.

ყოველი ანგარიშისათვის, შერჩეული პაკეტის მიხედვით, გათვალისწინებულია მეხსიერების კონკრეტული მოცულობა, რომელის ფარგლებშიც მომხმარებელს საშუალება აქვს ატვირთოს, მიიღოს ან/და შეინახოს დოკუმენტები.

გაითვალისწინეთ, რომ მომხმარებელი პასუხისმგებელია მის მიერ ატვირთულ, გაზიარებულ, გავრცელებულ ინფორმაციაზე ან/და პლატფორმით სარგებლობისას გამოყენებულ მონაცემებზე.

კომპანია არც ერთ შემთხვევაში არ შეიძლება დაეკისროს რაიმე სახის პასუხისმგებლობა მომხმარებლის მიერ ატვირთულ, გაზიარებულ, გავრცელებულ ინფორმაციაზე ან/და პლატფორმით სარგებლობისას გამოყენებულ მონაცემებზე.

მომხმარებელი ადასტურებს და გარანტიას იძლევა, რომ პლატფორმის გამოყენების პროცესში მის მიერ პერსონალური ან სხვა ტიპის მონაცემების დამუშავება და გამოყენება სრულ შესაბამისობაშია მოქმედი მონაცემთა დაცვის კანონმდებლობასთან, წესებთან და/ან რეგულაციებთან და არ იწვევს მათ დარღვევას.

მომხმარებელს SmartCLM-ის პაკეტზე წვდომს და შესაბამისად სასურველი დოკუმენტის გენენირებას შეძლებს საფასურის გადახდის შემდეგ;

პლატფორმაზე რეგისტრაცია/ანგარიშის შექმნა ხდება იმ შემთხვევაში, თუ პირს სურს მომხმარებლად რეგისტრაცია და ანგარიშის შექმნა, იგი შესაბამის ნებას გამოხატავს SmartCLM-ის პლატფორმაზე და ანგარიშს ქმნის ელექტრონული ფოსტის მისამართისა და პაროლის გამოყენებით.

ანგარიშის შექმნის შედეგად პირს ენიჭება კლიენტის სტატუსი. მომხმარებლის ანგარიშიდან განხორციელებული ნებისმიერი ქმედება მიიჩნევა მომხმარებლის მიერ შესრულებულად.

გაითვალისწინეთ,რომ მომხმარებელი ვალდებულია უზრუნველყოს ანგარიშის უსაფრთხოება და არ დაუშვას მესამე პირის/პირების მიერ მასზე წვდომა. იმ შემთხვევაში, თუ მომხმარებელს ეჭვი, რომ მისი ანგარიშით სარგებლობს მესამე პირი, იგი ვალდებულია დაუყოვნებლივ აცნობოს ამის შესახებ SmartCLM-ს, რის საფუძველზეც SmartCLM უფლებამოსილია დაუყოვნებლივ შეაჩეროს ან/და დაბლოკოს ანგარიში. ყოველგვარი გაურკვევლობის თავიდან აცილების მიზნით, თუ მომხმარებელი არ აცნობებს SmartCLM-ს დროულად არაავტორიზებული წვდომის შესახებ, ანგარიშიდან განხორციელებული ნებისმიერი ქმედება ჩაითვლება მომხმარებლის მიერ განხორციელებულად.

იმ შემთხვევაში, თუ ანგარიში იქმნება იურიდიული პირის ან სხვა ორგანიზაციული წარმონაქმნის მიერ, იგულისხმება, რომ რეგისტრაციას ახორციელებს შესაბამისი უფლებამოსილი წარმომადგენელი.

თუ ანგარიში ეკუთვნის იურიდიულ პირს ან სხვა ორგანიზაციულ წარმონაქმნს, ანგარიშის მფლობელს უფლება აქვს დაამატოს ქვე-მომხმარებლები და მიანიჭოს მათ შესაბამისი უფლებები/როლები (მათ შორის, დოკუმენტების ვიზირება, ხელმოწერა ან ხელმოსაწერად ინიცირება). ქვე-მომხმარებლები პლატფორმით სარგებლობისას ექვემდებარებიან წინამდებარე ხელშეკრულების პირობებს, ხოლო მათი ქმედებებისთვის სრული პასუხისმგებლობა ეკისრება ანგარიშის მფლობელს.

მომხმარებელი ავსებს შერჩეული დოკუმენტისთვის საჭირო ველებს და მონაცემებს, რის საფუძველზეც სისტემა ავტომატურად ამზადებს მომხმარებლისთვის სასურველ დოკუმენტს;

კომპანია არ ახორციელებს მომხმარებლის მიერ შევსებული ინფორმაციის სიზუსტის შემოწმებას. მომხმარებელი სრულად არის პასუხისმგებელი მონაცემების სისწორეზე.

გენერირებული დოკუმენტი წარმოადგენს შაბლონურ ფორმას და არ არის ინდივიდუალური იურიდიული კონსულტაციის ტოლფასი;

კომპანია არ არის პასუხისმგებელი მომხმარებლის მიერ კომპანიისთვის მიწოდებული ნებისმიერი ინფორმაციის სიზუსტეზე და ასეთი უზუსტობით გამოწვეულ ნებისმიერი სახის ზიანზე;

კომპანია არ უზრუნველყოფს დოკუმენტის სრული იურიდიული შესაბამისობის გარანტიას კონკრეტულ ინდივიდუალურ სიტუაციაზე.

კომპანია თავისუფლდება ყოველგვარი პასუხისმგებლობისგან, რომელიც შეიძლება მოჰყვეს მომხმარებლის ნებისმიერ ქმედებას, მომხმარებლის მიერ რომელიმე ხელშეკრულების, მათ შორის ამ წესებისა და პირობების დარღვევას, მოქმედ კანონმდებლობასა და რეგულაციებთან შეუსაბამობას და ა.შ.

ის საკითხები, რომელიც არ რეგულირდება წინამდებარე ხელშეკრულებით, რეგულირდება და განიმარტება საქართველოს კანონმდებლობის შესაბამისად;

იმ შემთხვევაში, თუ სისტემის/პროგრამით სარგებლობისას წარმოიშვა ტექნიკური პრობლემა და იგი გამოწვეულია კლიენტის ინფრასტრუქტურით, კომპანიის მიერ გაწეული დამატებითი სამუშაო შეიძლება დაექვემდებაროს დამატებით ანაზღაურებას.

კლიენტს ეკრძალება, მიმწოდებლის წინასწარი წერილობითი თანხმობის გარეშე:

2.1 პროგრამის სრულად ან ნაწილობრივ გადაცემა, გასხვისება, თხოვება, გაქირავება, იჯარა, ლიზინგი ან სხვაგვარი ხელმისაწვდომობის მიცემა მესამე პირებისთვის;
2.2 დამკვეთს ეკრძალება დეკომპილაცია, დისკომპილაცია, დეასემბლირება, რევერსული ინჟინერია, პროგრამული უზრუნველყოფის კოდის ან სტრუქტურის გამოკვლევა, მოდიფიკაცია ან ნებისმიერი ფორმით გარდაქმნა, ასევე მისი საფუძველზე წარმოებული ნამუშევრების შექმნა, მესამე პირისთვის გადაცემა ან ხელმისაწვდომობის უზრუნველყოფა, გარდა იმ შემთხვევებისა, რაც პირდაპირ არის ნებადართული მოქმედი კანონმდებლობით ან წინასწარ წერილობით შეთანხმებულია კომპანიასთან;
2.3 პროგრამის მოდიფიკაცია, ადაპტაცია, თარგმნა ან მის საფუძველზე წარმოებული პროდუქტის (derivative work) შექმნა;
2.4 პროგრამაზე, მათ შორის მის ყველა კომპონენტზე, განახლებაზე, მოდულზე და დოკუმენტაციაზე არსებული ინტელექტუალური საკუთრების ყველა უფლება სრულად ეკუთვნის მიმწოდებელს და არ გადადის კლიენტზე.
2.5 პლატფორმა წარმოადგენს შპს „სმარტსიელემ“-ის (SmartCLM) ინტელექტუალურ საკუთრებას და პლატფორმასთან დაკავშირებული ნებისმიერი და ყველა სახის ინტელექტუალური საკუთრების უფლება სრულად ეკუთვნის შპს „სმარტსიელემ“-ს.
2.6 პლატფორმაზე განთავსებული მასალები, ინფორმაცია და დოკუმენტები, გარდა მომხმარებლის მიერ ატვირთული, შექმნილი, მიღებული ან გაგზავნილი დოკუმენტებისა, წარმოადგენს შპს „სმარტსიელემ“-ის საკუთრებას. მომხმარებელს არ აქვს მათი გამოყენების, გამრავლების ან გავრცელების უფლება შპს „სმარტსიელემ“-ის წინასწარი წერილობითი თანხმობის გარეშე;
2.7 პლატფორმაზე განთავსებული სავაჭრო ნიშნები, ლოგოები და სხვა იდენტიფიკატორები (შემდგომში „სავაჭრო ნიშნები“) წარმოადგენს შპს „სმარტსიელემ“-ის საკუთრებას. მომხმარებელს არ აქვს მათი გამოყენების, მითითების ან გავრცელების უფლება კომპანიის წინასწარი წერილობითი თანხმობის გარეშე, გარდა იმ შემთხვევისა, როდესაც აღნიშნული გამოიყენება პლატფორმის გამოყენებასთან დაკავშირებული ინფორმაციის გავრცელების მიზნით. ამასთან, მომხმარებელი წინასწარ აცხადებს თანხმობას, რომ შპს „სმარტსიელემ“-ს უფლება აქვს დამატებითი თანხმობის გარეშე გამოიყენოს მომხმარებლის სახელი, დასახელება და/ან სავაჭრო ნიშნები მარკეტინგული მიზნებისთვის (მათ შორის, კომპანიის ვებ-გვერდზე, საპრეზენტაციო მასალებში და სხვა მარკეტინგულ კომუნიკაციაში) და მოიხსენიოს მომხმარებელი, როგორც SmartCLM-ის კლიენტი.

3. პერსონალური მონაცემების დამუშავება

3.1 მონაცემების დამუშავება ხდება საქართველოს „პერსონალურ მონაცემთა დაცვის შესახებ" კანონმდებლობით დადგენილი წესებისა და კომპანიის მონაცემთა დამუშავების პოლიტიკის შესაბამისად;
3.2 კომპანია უზრუნველყოფს მონაცემთა უსაფრთხოების ტექნიკურ და ადმინისტრაციულ უსაფრთხოების ზომებს არასანქცირებული წვდომის, შეცვლის, განადგურებისა ან გავრცელების თავიდან ასაცილებლად.

4. მომხმარებლის ვალდებულებები

3.1 გამოიყენოს საიტი კანონმდებლობის მოთხოვნათა დაცვით;
3.2 არ მიაწოდოს ყალბი ან შეცდომაში შემყვანი ინფორმაცია;
3.3 არ გამოიყენოს საიტი უკანონო მიზნებისთვის;
3.4 საიტის ტექნიკური ხარვეზის შემთხვევაში მიაწოდოს ინფორმაცია კომპანიას;
3.5 დაიცვას ინტელექტუალური საკუთრების წესები;

5. კომპანიის უფლებები და ვალდებულებები

5.1 კომპანიას უფლება აქვს შეცვალოს საიტზე ხელმისაწვდომი მომსახურება, მისამართი, ფუნქციები და ფასები;
5.2 კომპანიას არ ეკისრება პასუხისმგებლობა მომხმარებლის მიერ შეყვანილი/მიწოდებული არასწორი ინფორმაციის გამო შექმნილი პრობლემებისთვის;
5.3 კომპანია არ აგებს პასუხს მესამე პირის მიერ მომხმარებლის მონაცემებზე არასანქცირებული წვდომით შექმნილ ზიანზე, თუ დაცულია სათანადო უსაფრთხოების ზომები;

6. ანგარიშსწორება

6.1 კომპანიის პაკეტებით სარგებლობა ფასიანია და შესაბამისი საფასური მითითებულია საიტზე ინდივიდუალური პაკეტების მიხედვით - ფასების ველში;
6.2 პაკეტის საფასურის გადახდა ხორციელდება არსებული ონლაინ მეთოდებით. გადახდის შესრულების შემდეგ თანხა არ ბრუნდება, გარდა კანონით გათვალისწინებული შემთხვევებისა და თანხის დაბრუნების პოლიტიკით გათვალისწინებული წესებით გათვალისწინებული შემთხვევებისა (იხ. თანხის დაბრუნების პოლიტიკა)

7. ხელშეკრულების მოქმედების ვადა და შეწყვეტა

7.1 წინამდებარე ხელშეკრულება ძალაში შედის მომხმარებლის მიერ ამ წესებსა და პირობებზე თანხმობის გაცხადების შემდეგ და ძალაში რჩება მომხმარებლის რეგისტრაციის/ანგარიშის (პროფილის) გაუქმებამდე.
7.2 ხელშეკრულება შეიძლება შეწყდეს საქართველოს კანონმდებლობით ან/და ამ ხელშეკრულებით გათვალისწინებულ შემთხვევებში ან მომხმარებლის ინიციატივით ნებისმიერ დროს. ამ უკანასკენლ შემთხვევაში მომხმარებლის მიერ გადახდილი თანხა არ დაბრუნდება;

8. ცვლილებები წესებსა და პირობებში

8.1 კომპანიას შეუძლია ცალმხრივად შეცვალოს მოცემული წესები და პირობები. ცვლილებები ძალაში შედის მათი საიტზე გამოქვეყნებისთანავე;

9. დავების გადაწყვეტა

9.1 ნებისმიერი დავა გადაწყდება მოლაპარაკების გზით;
9.2 შეთანხმების მიუღწევლობის შემთხვევაში, დავა განიხილება საქართველოს საერთო სასამართლოებში;

10. სხვა დებულებები

10.1 კომპანია იტოვებს უფლებას, ცალმხრივად შეაჩეროს ან შეწყვიტოს პირის რეგისტრაცია ან ვებგვერდზე ავტორიზაცია, თუ ჩათვლის, რომ ის არასწორად, წინამდებარე წესების და პირობების ან საქართველოს კანონმდებლობის დარღვევით მოქმედებს;
10.2 კომპანია უფლებამოსილია მომხმარებელს შეუწყვიტოს ან შეუჩეროს მომხმარებლის ანგარიშზე წვდომა, წაშალოს მისი განცხადება ან მომხმარებლის ანგარიში (პროფილი) ასეთ შემთხვევაში, თუ მომხმარებელი არღვევს წინამდებარე წესებით და პირობებით განსაზღვრულ წესებს ან საქართველოს მოქმედ კანონმდებლობას. აღნიშნულს შემთხვევაში. აღნიშნული უფლების განხორციელებისას კომპანია თავისუფლდება ყველა სახის პასუხისმგებლობისგან.
10.3 თუ წინამდებარე პირობების რომელიმე პუნქტი ან მისი ნაწილი რაიმე მიზეზით იქნა გაუქმებული, ბათილად ცნობილი ან შეწყვეტილი, აღნიშნული პუნქტი ან მისი ნაწილი აღარ იქნება გამოყენებული, რაც არ იქონიებს გავლენას პირობების დანარჩენი პუნქტების ნამდვილობაზე.

11. კონტაქტი

ელ. ფოსტა: welcome@smartclm.ai

მობ: 500 001 235 ან 577 057 314

იურიდიული მის: თბილისი, მთაწმინდის რაიონი, ვასილ პეტრიაშვილის ქ., N 46 ბ. 5